TRAGJEDI E MADHE: Nënë dhe foshnjë humbën jetën pak çaste më parë në një aksident të tmerrshëm në Halkidiki – ja informacionet e para.

Një aksident tragjik me pasoja fatale ka ndodhur pasditen e sotme në rrugën rajonale **Nea Moudania – Nikiti** në Halkidiki, ku kanë humbur jetën një nënë dhe foshnja e saj.

Sipas informacioneve të para, aksidenti ndodhi rreth orës **18:30**, kur një **cisternë** u përplas me një **automjet pasagjerësh**. Në automjet ndodheshin katër anëtarë të një familjeje.

Sipas mediave greke, ekipet e zjarrfikësve mbërritën menjëherë në vendngjarje dhe përdorën pajisje speciale për të nxjerrë personat e bllokuar në automjet. Gruaja dhe foshnja u nxorën pa shenja jete, ndërsa bashkëshorti i saj dhe një fëmijë tjetër i mitur u shpëtuan me lëndime të rënda.

Të katër u transportuan me autoambulanca të shërbimit emergjent **EKAB**, ndërsa autoritetet greke kanë nisur hetimet për të zbardhur shkaqet e aksidentit. Në operacionin e shpëtimit morën pjesë tetë zjarrfikës me tre automjete.