Pamje tronditëse: Burri e hodhi të miturën në lumë, vajza humb jetën (VIDEO)

Një vajzë e mitur ka humbur jetën pasi dyshohet se u hodh në një lumë nga një burrë në qytetin Shantou, në provincën Guangdong të Kinës.

Ngjarja, e cila u filmua nga kamerat e sigurisë, raportohet se ka ndodhur më 1 korrik në qytetin Xilu, në distriktin Chaoyang.

Pamjet tregojnë burrin duke ecur pranë vajzës, përpara se ta ngrinte dhe ta hidhte në lumë. E mitura u nxor nga uji nga ekipet e shpëtimit, por fatkeqësisht ndërroi jetë më vonë si pasojë e plagëve të marra.

Autoritetet kanë arrestuar të dyshuarin dhe kanë nisur hetimet për të zbardhur rrethanat dhe motivin e kësaj ngjarjeje të rëndë.

Videoja e incidentit është shpërndarë gjerësisht në rrjetet sociale, duke shkaktuar zemërim dhe reagime të forta nga publiku.