Играле се другар во вода и наеднаш изчезнал. 11 годишно дете се удави во реката Дунав

Нова трагедија во Бугарија: 11-годишно момче се удави во Дунав кај Козлодуј

 

Нова трагедија ја потресе Бугарија, откако 11-годишно момче го загуби животот во водите на реката Дунав во близина на Козлодуј. Несреќата се случила во саботата попладне, кога две деца влегле во реката за да се разладат од високите температури.

 

Според првичните информации од бугарските медиуми, двете момчиња си играле во плиткиот дел од реката, но во еден момент едното од нив изгубило тло под нозете и почнало да се дави. Неговото другарче, исплашено од случувањата, истрчало да побара помош од возрасни лица.

 

По пријавата веднаш била организирана спасувачка акција во која се вклучиле полицијата и надлежните служби. За жал, до нивното пристигнување детето веќе исчезнало под водата. Телото на 11-годишното момче било пронајдено од полицијата пред силната речна струја да го однесе понатаму.

 

Само еден ден пред несреќата, локалните власти во Козлодуј повторно ги предупредиле граѓаните и посетителите дека капењето и пливањето на необезбедени делови од Дунав е строго забрането поради силните струи и големата опасност.

 

Ова е уште една во низата трагедии поврзани со давење во Бугарија во текот на јули, период во кој надлежните постојано апелираат граѓаните да избегнуваат капење на места каде што нема спасувачи и соодветно обезбедување.